Empat igi antu pala dipulaika ngagai endur asal

KUCHING: Empat igi antu pala ke dipindah sementara ngagai Muzium Sarawak ditu kena bulan November 2012 suba dipulaika baru ngagai Fort Margherita kemari.
Nyerumba pengawa nya, atur pengawa miring udah dipejalaika Opis Kunsil Penyimpan enggau Penusun Adat Asal Menua Sarawak (MAIS) ti diuluka Sapit Pemesai Pemansik Pengawa Rama, Jimbun Tawai.
Piring peturun lima ti dikemujur pengari ari MAIS, Ajai anak Jelani dikena ngenah semengat empat igi antu pala enggi bujang berani ti lesi maya betempuh ngelaban perintah Rajah Brooke menya.
“Suba maya kitai mindahka antu pala tu ari Fort Margherita kita bedara ngena piring turun tujuh tang diatu kitai minta sida semina ngena piring turun lima dikena mulaika nya baru ngagai endur asal.
“Pengawa tu ngenahka pemakai ngagai semengat bujang berani ke udah lesi,’ku Jimbun lebuh dikerandau.
Jimbun nambah, enti diperatika ari pekara sejarah, empat igi antu pala tu diakun bujang berani menua ketegal sida udah betempuh ngelaban perintah Rajah Brooke kelia menya.
Ku iya, maya betempuh menya sida empat engka bisi jai mimpi lalu mujur dibunuh soldadu Brooke ti ngujungka pala sida ditaruh ba Fort Margherita.
Taja pia ku iya, nadai pansik tauka rikod bisi ditaruh Opis Muzium senentang asal empat igi antu pala nya, ke alai MAIS semina dipinta ngemujur pengawa mindah nengah chara Iban.
Fort Margherita ke nunga Sungai Sarawak dikemanah baru ngena ungkus RM2 juta lalu pengawa nya dipun ba ujung taun 2012 tu tadi.
Kubu nya diperita digaga Rajah Putih kedua, Charles Brooke dalam taun 1879 sereta kala nyadi Muzium Polis ari taun 1971 nyentuk ke 1990.
Bela bisi datai Direktor Opis Muzium Ipoi Datan enggau sekeda pemerati sejarah ari menua luar.

Read More

Niang Ariza Ghazalee enggau Muhammad Afif Tambi dikubur ba Pendam Islam Semariang

KUCHING: Niang dua iku menyanak, Ariza Ghazalee, 46, enggau anak iya Muhammad Afif Tambi,19, ti lesi bebadi ba penusah bilun MH17 ti dipelaba terempas ketegal ditembak kena 17 Julai apin lama ke udah, mujur ditumbakka ba Pendam Islam Semariang ditu, pukul 5.05 lemai kemari.
Mensia mayuh ti enda ngira pupu bansa kelimpah ari sida sebilik enggau kaban belayan niang ti datai meri basa ke penudi endar ba pendam nya kemari enda ulih ngetanka penyinu ati ngenang seduai menyanak nya.
Dipelabaka urung 5,000 iku orang datai meri basa ke penudi endar ngagai seduai ba pendam nya kelimpah ari mensia mayuh bukai ke nganti ba sebelah tisi jalai sepemanjai jalai ke ditengah mai bangkai seduai menyanak, ti sama bela meri basa ke penudi endar ngagai seduai.
Mensia mayuh ke datai meri basa nya nyengkaum anak mit nyentuk ke orang tuai, ti sama ngulit bekenaka gari chelum, kelai masa seduai menyanak nya kemari.
Van ke mai bangkai seduai menyanak ari Masjid Jamek Negeri sangkai di Pendam Islam Semariang urung pukul 4.50 lemai seraya disempulang sida sebilik sereta kaban belayan.
Datai ba pendam nya, sentubung seduai menyanak lalu ditanggung Raban Soldadu Malaysia (ATM) Rejimen Keempat Kor Amor Diraja sereta diulur raban nya ke dalam lubang pendam.
Pengudah nya sida niang sebilik lalu dipinta nikauka tiga kempuk tanah sebedau raban ATM nambun tanah dalam lubang pendam niang Ariza enggau niang Afif.
Entara pemesai ke sama bisi datai ngagai Pendam Islam Semariang kemari, Menteri Pengawa Berumah Datuk Amar Abang Johari Tun Openg, Menteri Kereja Raya Datuk Fadillah Yusof, Menteri ba Opis Kepala Menteri (Pekara Islam) Datuk Daud Abdul Rahman, Menteri Pemansang Orang Indu, Ruang Bilik enggau Raban Bansa Datuk Rohani Abdul Karim sereta Kaban Kunsil Nengeri (ADUN) Semariang ti mega Sekretari Politik Kepala Menteri Sharifah Hasidah Sayeed Aman Ghazali.
Kelimpah ari niang Ariza enggau Afif, bisi empat iku agi ke sama lesi bebadi ba penusah nya nyengkaum laki Ariza, Tambi Jiee, 49, enggau tiga iku agi anak, iya nya Muhamad Afzal Tambi,19, Marsha Azmeena, 15 enggau Muhamad Afruz, 13, bedau dibai puli ke menua tu laban bangkai sida iya bedau dikelala.
Nambahka nya bangkai niang Meling Mula mega bedau dibai pulai ke menua tu ketegal pekara ke sama.

Read More

BDCF 2014 Sibu udah ditutup malam ensanus

SIBU: Penyampau bansa Iban ke mindah ari rumah panjai di menua pesisir ngagai kandang mengeri majak nambah ari taun seiti ngagai taun seiti.
Menteri Muda Pemansang Tanah Datuk Gramong Juna madah, bansa Iban ke mindah tu tebal agi diau natam ba mengeri besai nyengkaum ba sitak Sibu ditu.
“Ambika banding, penyampau raban bansa Iban ke meli rumah tauka ngentapka pendiau ba Sibu Jaya majak nambah.
“Nya alai, udah maya iya kitai minta Opis Residen enggau Opis Kunsil sitak tu berunding nyiri tuai raban bansa nyengkaum penghulu tauka nyema udah bisi ditambah mayuh agi ngambika megai sesebengkah genturung pengentap pendiau ke mayuh diuan raban bansa Iban,” pia ku iya madah.
Iya bejaku munyi tu ngarika Sapit Kepala Menteri Datuk Patinggi Tan Sri Alfred Jabu Numpang lebuh ke nutup Pengerami Mantaika Main Asal Dayak Borneo (BDCF) 2014 ditu, malam kilah ensana.
Gramong madah, pangku pengawa tuai raban bansa baka pengulu besai reti dikena ngibun sereta ngetan adat enggau main asal bansa Iban.
“Taja udah ngentap ke pendiau ba kandang mengeri, adat enggau main asal bansa kitai enda tau enda ditanka.
“Ari nya bala pengulu ulih ngempung bansa Iban, mutarka pekara ti bekaul enggau adat” ku iya madahka baru.
Iya ti mega Menteri Muda Dagang Temuai madah, BDCF nyadi sebengkah ari atur pengawa ba Kalender Dagang Temuai Malaysia lebih agi Kalender Dagang Temuai Nengeri Sarawak udah mujur endar matak penatai temuai ari menua bukai.
BDCF ku iya, awak ke diberi ngagai raban Dayak mantaika pengawa enggau pengelebih adat enggau main asal ngagai bansa bukai.
“Tang kitai anang enda ingat, pemujur ngatur BDCF tu bepun ari ati raban Dayak ba Sibu ti begempung kelimpah ari disaup gerempung ukai dikuasa perintah (NG0) Dayak empu.
“Kitai berasai temegah ati meda pemujur enggau penyerakup ngatur pengerami tu ke dipandangka raban Dayak di Sibu,” pia ku iya madah.
Ku Gramong, semua raban Dayak kelebih agi rebak baru ngembuan tanggungpengawa ke sebaka ngetanka penegut main enggau adat asal ari ke kena segang pemansang, penemu baru enggau chara idup ke udah berubah ba kandang mengeri.
Kebuah pia ku iya, main enggau adat asal nyadika kelai sesebengkah bansa.
“Taja kitai udah diau ba mengeri kitai enda ulih ngelengkaka dua bengkah pekara tu.
“Kitai untung amat laban diau ba menua ke likun ti kaya enggau penyelai sereta pemanah main enggau adat asal pupu raban bansa,” ku iya madah.
Bela bisi datai ba pengerami ke digulu lebih 8,000 iku mensia mayuh tu iya nya Kaban Kunsil Nengeri (ADUN) Tamin Datuk Joseph Mauh Ikeh, dua iku Sekretari Politik Kepala Menteri Andrew Shilling enggau Christopher Romeo Tegong, Pemancha Stanley Gramong, Sekretari Besai Sarakup Indu Dayak Sarawak (SIDS) Senorita Linang, Chairman Pengatur BDCF 2014 Kaunsilor Sempurai Petrus Ngelai enggau bini Mauh, Datin Jacqueline Mau sereta bala pemesai ke bukai.

Read More

Andrew Nari.. Sampi Kami Enggau Nua

Last night, walau aku sleepy and can't wait for the current news on tv tetap bangun menghadap mentari and hear good news in the morning. #PrayForMH370 #PrayForAndrewNari

Yes, Andrew is my cousin. Kampung kami sebelah menyebelah je. He's orang Sungai Aup whilst aku lak orang Sungai Engkalat, both in Sibu, Sarawak. Bukan sbb insiden pesawat ni aku nk ngaku dia sedara aku, tapi ni the truth. 

Esok jam 3pm, Radio Televisyen Malaysia (RTM) dan Roman Katolik dari Kuching beserta beberapa mubaligh Kristian akan berkumpul di Rh. Tamoh, Sg.Aup, Sibu (ibu kepada Andrew) bagi bersama-sama mendoakan keselamatan semua yang terlibat dengan misteri pesawat MH370 tersebut.

Please respect the families. Dont make any speculations. Let's just pray for their safety and hope for the good news.

Read More

Longhouse chief agonises over air steward son’s fate

Andrew Nari (centre) and others pose for a photo session.

Andrew Nari

Catherine Tamoh

SIBU: Residents of the 86-door Rumah Catherine Tamoh are praying for the safety of the eldest son of their Tuai Rumah (chief) on MAS flight MH370 that had gone missing.
Andrew Nari, 49, was chief steward of the flight from Kuala Lumpur to Beijing, which disappeared from the radar screen in the wee hours of yesterday.
Tuai Rumah Catherine Tamoh confirmed to reporters at her longhouse, which is located in Bukit Aup, some 10 minutes’ drive from town, yesterday afternoon that Andrew was among the 239 people on board.
The mother-of-four, surrounded by relatives and friends, spoke with calm composure even though she appeared anxious and worried while waiting for updates on the incident.
The interview was interrupted several times as she attended to incoming calls on her hand phone.
Catherine said she last spoke to Andrew last week. Her eldest son called her regularly to check on her health.
Andrew was born in February 1965 and worked with the airline since September 1989.
“My son stays in Puchong with his wife (Melanie Antonio Jawi) and two children (Maira Elizabeth Nari and Malcolm Nari). His daughter is waiting for her SPM results while his son is in Form Two this year. His wife is a former air stewardess.
“I am waiting for the latest update and pray for the safety of my son and all those on board,” she said, adding she has another son and two daughters.
Declining to comment further, she hoped there would be no speculation on the matter.
According to relatives, she left for Kuala Lumpur shortly after the interview for latest updates on her son.

Read More

PASAR BESAR SIBU DIBAIKI DAN DIADAKAN PERATURAN BARU

Sibu Municipal Council will take a big step in giving a facelift to the Central Market of Sibu with painting, cleaning, and introduce measures and new regulations to improve the conditions and environment of the market.

Telling this, Deputy Chairman of the SAC Datuk Wong Kee Yew said work painting and cleaning the great bazaar will begin after Peray aan Ching Ming of April 5 this year and expected to be completed before mid-year Gawai. said, the food and beverage outlets in Those markets will be closed temporarily to make way for this work.

In addition, from February 24, steps and new regulations will be enforced to reduce traffic congestion in the area as well as improve the sanitary conditions in Psar. Dato 'Wong told a news conference in his office near the 24th floor of Wisma Sanyan today. 

This press conference was also attended by a number of trade associations and traders from the Market. added that civilians will also be prohibited for parking or waiting at the drop zone goods in those markets.

Read More

REGA ULAT MULUNG NIKI LEBIH 10 PERSIN

BELEMAK: Ulat mulung

MUKAH: Ketegal suntuk bekal kelimpah nerima peminta tinggi ngujungka rega ulat mulung tauka matar (tinduh) niki lebih 10 persin ari rega asal sekumbang beberapa minggu tu ke udah.

Rega matar sebedau tu RM40 sekilogram lalu niki nyentuk ke RM50 sekilogram.

Matar tauka suah agi dikangau enggau nama ‘si’et’ (jaku Melanau) endang berega sereta ulih nyungkakka penatai pemisi ke tinggi ngagai raban penyual.

Seiku penyual matar madah, bekal ulat mulung nya kurang ketegal mayuh pun mulung ke nyadi sarang pemakai matar nya nyau majak kurang.

Ku iya, mensia mayuh ke rindu makai pemakai eksotik tu ukai semina peranak menua tu empu tang mega temuai ari menua luar.

“Rega ulat mulung tu niki ari RM40 nyentuk ke RM50 sekilogram, ulat ke udah ditunu tauka ke agi idup dijual enggau rega RM5 sebungkus ke ngundan kurang ari sepuluh iku.

“Aku bulih bekal ulat mulung tu ari peranak genturung pendiau ke semampai ngasilka produk nya sereta ngiga bekal ke dijual ninting hari. Sida nganjung ngagai aku antara 500 nyentuk ke 1,000 ulat mulung ninting hari sebedau dijual di Pasar Tamu Mukah,” ku iya.

Iya madah, mensia mayuh rindu makai ulat mulung laban ngembuan asiat tinggi sereta diempa enggau sagu sereta asi. Enti bekal chukup, iya pechaya rega enda niki.

Kelimpah ari nya, ngasilka ulat mulung pun sagu ke ditebang dilakka sepengelama tiga nyentuk ke empat minggu ngambika ulat nya besarang.

Taja pia, enda semua pun mulung ngasilka ulat ke mayuh laban pun ke berisi aja ulih ngasilka pun mulung ke mayuh.

Di Kapit, Sibu, Bintulu, Miri, Betong enggau Kuching ulat mulung tu dijual nengah rega RM1 nyentuk ke RM2 siku.

Read More

SIDS SIBU NGATUR PEKIT NENUN PUA KUMBU 2014

NGETANKA ASIL PENGELANDIK JARI ASAL: Alice (duduk, tiga kanan) maya begambar bebala mayuh enggau kaban komiti pengatur Pekit Nenun Pua Kumbu Renggat Ke-Tiga ditu, malam kilah ensana.

SIBU: Sarakup Indu Dayak Sarawak (SIDS) pampang Sibu sekali agi deka ngatur Pekit Nenun Pua Kumbu Renggat Ke-Tiga berengkah ari diatu nyentukka bulan Ogos ti deka datai.

Chairperson SIDS Sibu Ir Alice Jawan madah, patron pekit tu iya nya Sapit Kepala Menteri Datuk Patinggi Tan Sri Alfred Jabu Numpang.

“Tuju pekit tu diatur dikena matak pengerindu orang indu Dayak lebih agi bansa Iban rebak baru ngaga asil pengelandik jari nenun Pua Kumbu,” pia ku iya madah ngagai pengarang berita sepengudah betuaika aum komiti pengatur pekit ditu, malam kilah ensana.

Alice madah, pekit nya deka berengkah diatur ari diatu lalu bala pemekit diberi awak enam bulan nembuka tenun.

“Serak tu pekit dibagi ngagai empat kategori iya nya Kategori Kain Kebat, Kategori Pua Kumbu Selampai, Kategori Selap Mija Kebat enggau Kategori Selampai Tenun.

“Kategori Kain Kebat mesai 3’ X 5’, Kategori Pua Kumbu Selampai (2’ X 6’), Kategori Selap Mija Kebat (24” X 10”) enggau Kategori Selampai Tenun (5” X 6”),” ku iya sambil madah pekit nya tebuka ngagai semua lalu enda milih ikas umur.

Iya madah, champian bagi Kategori Kain Kebat deka mai pulai perais mata duit RM1,500, lumur dua RM1,200, lumur tiga RM900, lumur empat ngagai lima RM500 sereta disempulang setipikit enggau trupi tang enda nyengkaum penuduk lumur empat enggau lima.

“Ba Kategori Pua Kumbu Selampai, champian deka mai perais mata duit RM1,200, lumur dua RM900, lumur tiga RM700 sereta disempulang setipikit enggau trupi.

“Penuduk lumur empat enggau lima mega mai perais mata duit RM500,” ku iya.

Champian pekit Kategori Selap Mija Kebat mai pulai perais mata duit RM800, lumur dua RM600, lumur tiga RM400 lalu disempulang setipikit enggau trupi.

Penuduk lumur empat enggau lima mega mai perais mata duit RM200.

Ba Kategori Selampai Tenun, champian mai pulai perais mata duit RM500, lumur dua RM300, lumur tiga RM200 sereta disempulang setipikit enggau trupi.

Penuduk lumur empat enggau kelima mega mai perais mata duit RM100.

Asil ke ditenun enda tau laun dianjung ngelui 29 Ogos tu.

Pekit mega deka diberi puin pun bulan September lalu palan deka dipadahka udah tu ila.

Sepenyampau 20 lambar tenun ke pemadu manah deka dipandangka ngagai mensia mayuh.

Tiap bengkah tenun ke dianjung mega bisi dikelai enggau ‘Tenun SIDS SIBU 2014’ ba tisi tenun bagi Kategori Kain Kebat, Pua Kumbu Selampai enggau Kategori Selap Mija Kebat lalu Kategori Selampai Tenun mega meseti dikelai enggau ‘SIDS SIBU 2014’ ba ujung selampai.

Puin deka diberi nitihka Ukir (40 persin), Linsu (ngena linsu chulin) (30 persin), Penulin (15 persin) enggau pengalus tenun (15 persin).

“Pemutus pekit deka digerah maya Pengerami Ngintu Penumbuh Ke-25 SIDS Sibu ke dipelaba deka diintu bulan September tu.

“Taja pan baka nya, kitai agi berandauka kemaya enggau dini pengerami tu deka diatur ila,” ku iya madahka baru.

Pom enggau pekit ulih diambi ba laman web SIDS www.sids-sibu.blogspot.com tauka diambi ari sekretariat ke udah dipilih.

Penerang silik tauka asil tenun tau dianjung ngagai Ir Alice Jawan, c/o Lembaga Air Sibu, Jalan Salim (084-211001 sambung 203/205) tauka Angeline Uchi Maseng, c/o Opis Kunsil Menua Pesisir (SRDC), Wisma Sanyan, 96000 Sibu (016-8825861) sebedau 29 Ogos tu.

Read More

PRN KE-11 DIATUR TUMU?

KUCHING: Sapit Presiden parti Pesaka Bumiputera Bersatu (PBB), Datuk Amar Abang Johari Tun Openg enggai meri penerang sekalika Pengawa Bepilih Nengeri (PRN) Ke-11 deka diatur tumu tauka enda ari timpuh ke bendar.

Iya ti mega nyadi Menteri Pengawa Berumah ditanya sekalika PRN Ke-11 diatur tumu tauka enda beduduk ari riput sebengkah surat kabar kemari.

“Aku enda nemu pasal pekara nya, aku enggai meri sebarang penerang nangi ke salah, enti aku nemu tentu aku deka meri penerang ngagai kita (media),” ku iya.

Abang Johari ti mega Menteri Dagang Temuai dikerandau pengarang berita pengudah  nyuaka perais enggau ampau Taun Baru China 2014, ti diatur SABERKAS di Sarawak Hun Nam Siang Tng, Jalan Sekama ditu kemari.

Ba sebengkah surat kabar kemari ngeriputka, berita selebubu Pehin Sri Abdul Taib Mahmud deka nyurutka diri ari megai pengawa nyadi Kepala Menteri.

Udah nya lalu beganti enggau berita Kunsil Nengeri (DUN) Sarawak diketuka tumu agi ari timpuh ke patut iya nya April 2016.

Nya beduduk ari sebengkah licha bekaul enggau pengawa nyikap diri napi PRN Ke-11, bala raban pengelikun, nyengkaum polis ti diatur ba Opis Kepala Menteri, ditu kena Hari Satu tu tadi.

Pengawa PRN Ke-10 diatur kena 16 April 2011 ti nunjukka Barisan Nasional (BN) menang 55 sitak Kunsil Nengeri ditangkanka DAP (12), PKR (3) enggau chalun ngatika diri (1).

Read More

PENGERICHAH NYAMBUT TBC DIRAMI ENGGAU ADAT NGABANG

SIBU: Pengerichah nyambut Taun Baru China dirami begulai enggau rayat pupu bansa nengah ngemeranka adat ngabang ke tau ngerapatka kaul bansa.

Mayuh serak raban bansa enda ngira bansa enggau jalai pengarap ngabang ngagai rumah kaban belayan tauka bala bakih sida ngasuh rumah tebuka ba hari keterubah nyambut Taun Baru China kena 31 Januari tu tadi disambut enggau rami.

Bisi ngatur pengerami nerima penatai pengabang iya nya Parti Sa’ati Rayat Sarawak (SUPP) Pampang Sibu ke diatur ba Dewan Suarah Sibu sereta digulu beribu-ribu peranak Sibu.

Pemesai ke bisi datai Menteri Pekara Wang Kedua ke mega Menteri Penguasa Perintah Menua enggau Pemansang Raban Bansa Dato Sri Wong Soon Koh, Chairman Opis Kaunsil Bandaraya Sibu (MPS) Datuk Tiong Thai King, Sekretari Politik Kepala Menteri Andrew Shilling enggau Temenggung Vincent Lau Lee Ming.

Read More

KAUNSILOR PATUT BISI PENGELANDIK SERETA NGEMBUAN KOMITMEN TINGGI, KU WONG

KUCHING: Semua kaunsilor enda tau enda ngemeratka komitmen ti tinggi sereta ngembuan pengelandik bejalaika tanggungpengawa ti udah diungkupka.

Menteri Kaunsil Kandang Menua enggau Pemansang Raban Bansa, Dato Sri Wong Soon Koh madah, nya dikena nyikap diri betapi enggau mayuh pemerat megai tanggungpengawa nyadi kaunsilor.

“Semua kaunselor ti dichiri patut nemu tanggungpengawa diri sereta bepengelandik pasal undang-undang Perintah Kaunsil Kandang Menua enggau polisi ke pemadu baru.

“Nyadi seiku kaunsilor ti bisi kaul enggau Opis Kaunsil Kandang Bandar Padawan (MPP), opis menteri kaunsil kandang menua, perintah nengeri sereta perintah besai, kitai patut nemu pekara ti enda tau enda dikereja tauka dipejalaika,” ku iya.

Wong ti mega Menteri Wang Kedua mansutka pekara nya lebuh bejaku ba ‘Majlis Angkat Sumpah Ahli Majlis MPP Sesi 2014-2016’ ti diatur ba Dewan Majlis, MPP ditu lemai kemari.

Dulu ari nya Wong ngemataka 31 iku orang ti udah dichiri nyadi Kaban Kaunsil MPP, besumpah bejalaika tanggunpengawa dalam timpuh dua taun.

Nandu baru, iya ngarapka kaunsilor tauka Kaban Kaunsil ukai semina berunding deka merambu sereta gawa dalam timpuh dua taun aja, tang patut berunding ngeluai ari nya.

Kelimpah ari meri servis sereta nadai bechiping ngereja pengawa ku iya, kaunsilor patut mantu perintah nempa raban bansa ti ngembuan penegap diri sereta talukka perintah.

“Enti kitai ngemeran sereta ngemeratka pekara nya, tentu kitai ulih ngemansangka MPP senipak enggau Opis Kaunsil Kandang Bandar ke bukai, ari nya MPP ulih nyadi Opis Kaunsil Kandang Bandar chunto,” ku iya.

Sama bisi ngulu atur pengawa nya, Menteri Muda Pengerai Mensia Mayuh Datuk Dr. Jerip Susil, Sekretari Mendam Opis Menteri Kaunsil Kandang Menua enggau Pemansang Raban Bansa Datuk Dr. Penguang Manggil sereta Chairman MPP, Lo Khere Chiang.

Read More

PILIHAN RAYA KECIL DUN KAJANG PADA 23 MAC

PUTRAJAYA: Suruhanjaya Pilihan Raya (SPR) menetapkan pilihan raya kecil N.25 Dewan Undangan Negeri Kajang (DUN Kajang) pada 23 Mac 2014.

Hari penamaan calon pula ditetapkan pada  11 Mac manakala pengundian awal pada 19 Mac.

Pengumuman dibuat pengerusi SPR, Tan Sri Abdul Aziz Yusof selepas mempengerusikan mesyuarat khas bagi menetapkan tarikh pilihan raya kecil DUN Kajang di Putrajaya pada Rabu.

Kerusi DUN Kajang kosong susulan perletakan jawatan ADUNnya dari Parti Keadilan Rakyat (PKR), Lee Chin Cheh pada bulan lalu atas alasan demi kepentingan bersama serta  mengukuhkan kebolehan Pakatan Rakyat berkhidmat untuk rakyat Selangor.

Pada pilihan raya umum ke-13, Mei lalu, Chin Cheh menang kerusi DUN Kajang dengan majoriti 6,824 undi dalam pertembungan enam penjuru dengan Barisan Nasional, Berjasa dan tiga lagi calon bebas.

Read more at: http://www.astroawani.com/news/show/pilihan-raya-kecil-dun-kajang-pada-23-mac-29506?cp

Read More

TAIB NGEMERATKA PENGARI RABAN BANSA CHINA BA PERINTAH NENGERI

SIBU: Raban bansa China enda tau enda beserakup sereta patut bisi pengari dalam perintah ngambika sida enda tinggal dalam segang pemansang kemaya hari tu, ku Kepala Menteri Pehin Sri Abdul Taib Mahmud.

“Penanggul diatu iya nya dipeda raban bansa China dalam Barisan Nasional (BN) udah ngirauka ati,” ku iya bejaku lebuh bejadika gempuru Taun Baru China Gempung Serakup China Sibu ba Hotel Kingwood kena malam Hari Satu.

Iya ngelalau sida ke bisi enda sepenemu enggau pangan diri nya berunding berakup baru lalu dikearapka tau nyadi urung tengan taun tu.

“Aku deka meda semua pupu bansa bekereja sama lalu begempung dalam semengat BN,” ku iya.

Taib mega ngarapka bala nembiak rebak baru sama ngesan tanggungpengawa nyungkak  Sarawak ngagai tikas ke tinggi agi.

Iya ngansak orang mayuh bejejaga ngambika enda tekuing penemu mending danji kaban penyakal.

Iya ngapil ngagai raban bansa China sama-sama bediri tegap di belakang BN, ku iya semina BN aja ulih ngamatka semaya ba pemansang di semua kandang endur.

“BN enda kala bedanji ngapa,” ku iya.

Sama bela datai bini Taib Puan Sri Ragad Kurdi Taib, Sapit Kepala Menteri Datuk Patinggi Tan Sri Alfred Jabu Numpang, Menteri Pekara Berumah Datuk Amar Abang Johari Tun Openg, Menteri Pekara Wang Kedua Dato Sri Wong Soon Koh enggau Menteri Pemansang Tanah Tan Sri Dr James Masing.

Datai mega ADUN Jemoreng Abu Seman Jahwie, ADUN Nangka Dr Annuar Rapa’ee, chairman Opis Kaunsil Sibu Datuk Tiong Thai King enggau managing direktor Gerempung Hock Peng Datuk Toh Chiew Hock enggau presiden Gempung Serakup China Sibu Ting Hua Chyh.

Read More

SEIKU PENYANYI PENAKAN CHINA-IBAN DATAI BARU NENGAH ALBUM DIKUMBAI MUTUS ATI

KUCHING: Seiku artis muzik Dayak penakan China-Iban datai baru dalam dunya muzik nengah album single baru Mutus Ati.

Therry Then madahka iya ngangatka karier muzik iya nengah nulis lagu single setegal iya enggai tinggal dalam industri muzik Dayak.

Nundaku kompeni publisiti enggau menijmen Love Art Bridal, Then beumur urung 30 taun benung dalam proses ngerikod album single udah tembu nya ila nya baru iya chakah deka ngelakuka nya nengah internet.

Kebuah promosyen digaga nya nengah mode internet dikena meda timbal ari bala penyukung, peminat enggau peninga.

Dalam taun kuda tu, penanyi ke ngembuan pengelandik tu merambu deka ngerikod sekeda lagu solo ngambika ulih nembuka album tu ditambah enggau lagu Gawai Dayak nyerumba bulan Jun.

Then diatu freelance enggau Love Art Bridal tang bisi ga maya iya gawa ba pemerindang main asal ungkup gerempung bukai.

Iya kala udah gawa ba serikat rikoding ESE (Miri) mega tv10 di Miri, ku penerang berita ari Love Art Bridal bedau lama ke udah.

Iya udah mega bisi rikoding single baka Selamat Tinggal Sulu Ati enggau Semina Bepangan Aja begulai enggau penanyi Dayak Melissa Francis enggau Bolkiah Rewina ba tv10 dalam taun 2003. Pengudah nya bisi mega mai lagu Aram Betanda, Pengrindu Dilindung Remang, Bepangan Nadai Pengujung enggau Semina Nuan Aja Di Ati dikeluarka ESE (Miri).

Read More

FADILLAH NGARAPKA PENANGGUL KE NUNTUNG SUPP DIPUTAR DALAM PARTI

KUCHING: Ketuai Nembiak Barisan Nasional (BN) Nengeri Datuk Fadillah Yusuf madah penusah ke nuntung Parti Bersatu Rakyat Sarawak (SUPP) patut diputar raban dalam parti nya empu.

Taja pia, Fadillah madah raban parti bukai dalam serakup BN ulih meri penemu enggau lalau nengah semengat dalam BN.

“Kenyau ari suba, tiap parti dalam serakup BN seruran meri bantu enggau sukung ngagai parti bukai dalam serakup ti benung betapi enggau penusah.

“Tajapia, bantu ke diberi bisi tikas lalu enti sida napi penyarut dalam parti, raban dalam SUPP aja ke ulih mutarka pekara nya,’ku iya lebuh dikerandau kemari.

Kitai semina ulih meri penemu enggau jaku lalau, tandu iya.

Iya mansutka jaku nya lebuh dipinta ngenang pinta presiden SUPP Tan Sri Peter Chin ti nagih bantu ari parti bukai dalam serakup BN.

Chin Hari Empat tu tadi minta bantu ari raban parti bukai dalam serakup BN ngambika ulih nyelamat parti pemadu tuai di Sarawak, iya nadai pilih bukai.

“Enti penanggul tu sebengkah penusah ke nyadi dalam SUPP, kitai engka ulih mutarka dalam parti aja.

“SUPP ukai semina betapi enggau penyarut dalam parti aja tang napi penusah dikinsil pengerijister Opis Pengerijister Gerempung (ROS) ti ngait pampang aku Bekenu enggau Piasau,”ku Chin.

Fadillah ke mega Ketuai Nembiak Parti Pesaka Bumiputera Bersatu (PBB) nambah, sebarang pemutus ke diletak SUPP deka dipebasa parti bukai dalam serakup BN.

Ba kaul ke sama, Sekretari Besai Parti Progresif Demokratik Sarawak (SPDP) Datuk Nelson Balang Rining madah naka ke diatu nadai randau udah diatur entara SPDP enggau SUPP senentang pinta Chin nya.

“Nadai randau udah diatur naka ke diatu lalu aku enggai bejurai panjai,’ku iya.

Sekretari Besai Parti Rakyat Sarawak (PRS) Datuk Wilfred Rata Nissom netapka parti enggai masuk champur sereta ngaul diri ba penusah ke ditapi SUPP diatu.

“Naka  ke diatu, kitai enda deka ngaul diri ba penusah SUPP,”ku iya lebuh dikerandau kemari.

Read More

ANANG MALUT JALAI PENGARAP NGENA PEKARA POLITIK: MASING

KUCHING: Pekara bekaul enggau pengarap, enda patut dibalut pekara politik, lalu enti iya enda diputar enggau manah, iya tau mai penyarut ngagai mensia mayuh sereta ngeruga pengelikun menua, ku Menteri Pemansang Tanah Sarawak, Tan Sri Dr James Masing (gambar).

“Pengarap tu hak seseiku, iya enda patut dibalut pekara politik. Ari keterubah pekara tu nyadi, aku endang enda setuju,” ku Masing.

Iya madah munyi tu lebuh diasuh nimbal sebengkah penemu ba laman pengawa rama ‘Facebook’ alai seraban orang ke ngumbai diri ‘Semenanjung Anti Sabah enggau Sarawak’ nganu sereta ngemelikka pupu bansa ba kededua buah nengeri tu.

“Enti deka muru rayat ari kededua buah nengeri tu enda disengkaum dalam Sempekat Malaysia, nya ukai chara mutarka penanggul ke benung nuntung diatu,” ku Masing.

Masing ti meg Presiden Parti Rayat Sarawak (PRS) madah, kitai patut belajar nerima jaku lalau enggau runding ke tebuka laban mayuh jaku lalau digaga dikena ngemanahka agi gempung Malaysia.

“Orang ari luar Sabah enggau Sarawak patut beratika perambu sereta jaku lalau rayat ari menua tu.

“Malaysia ditumbuh nengah gempung nengeri lalu iya tetap nyadi gempung entara nengeri dalam Malaysia. Nya alai, kitai patut bekerejasama ngemanahka agi penuduk kitai nyadi rayat Malaysia.

“Sida ke ngaga lambar ‘Facebook’ ‘Semenanjung Malaysia anti Sabah & Sarawak’ nya pan patut ngetuka pengawa begedik baka nya,” ku iya.

Iya madah munyi tu lebuh dikerandau nyerumba atur pengawa Ngelalu Pengabang Taun Baru China Parti Sa’ati Rayat Sarawak (SUPP) kena hari Lima tu tadi.

Masing madah, kadang-kadang amat iya enda entu lantang meda utai ke digaga Perintah Besai, tang pengawa nya ku iya, deka ngemanahka agi gempung Malaysia lalu ukai mechahka gempung nya.

“Kadang-kadang aku pan enda lantang ati meda chara Perintah Besai mutarka isu ‘Allah’ tang ukai reti aku bejaika gempung Malaysia nya, tang semina ngasuh Perintah Besai bejimat lebuh mutarka isu ‘Allah’ laban iya besangkut paut enggau rayat Keristin menua tu,” ku iya.

Hari Lima tu tadi, Sapit Menteri Dalam Menua, Datuk Wan Junaidi Tuanku Jaafar madah, kitai bisi undang-undang, bejejimat, anang ngelebus adan.

“Nya alai enti orang bejaku peneka ati, asal iya agi dalam konteks undang-undang menua, Perintah agi ulih ngenatka nya, tang anang ngelui adan.

“Tang enti udah ngelui adan, polis besedia nangkap orang nya. Laban kitai pan enggai meda menua kitai ke ngembuan mayuh macham pupu bansa, pengarap kitai nyadi charut laban utai bansa tu ke tau mai penyarut.

“Nya alai, jaku lalau aku seagi-agi kita bisi hak nulis blog tauka ‘Twitter’, anang sesekali ngelui pematut,” ku iya.

Bedau lama tu ke udah, lambar ‘Facebook’ ‘Semenanjung Malaysia Anti Sabah enggau Sarawak’ mantaika gambar (dalam Facebook sida iya) ngemelika orang Keristin menua tu, nyengkaum ngengkah gambar engkatak ba regang.

Kelimpah ari ngengkah gambar bansa nya, gerempung tu mega ngemelika pupu bansa kededua buah nengeri tu.

Naka ke diatu, ripot bisi madahka lambar ‘Facebook’ nya diatu udah ditutup.

Read More